SIKOLOHIKAL NA EPEKTO NG MGA PROGRAMA SA TELEBISYON NA NAPAPANUOD NG MGA BATA EDAD PITO PABABA SA VILLARUZ SUBDIVISION

ABSTRACT: Ang telebisyon ay nahagi na ng buhay ng tao. Kasama na sa arw-araw na gawain nila ang panunuod ng telebisyonn simula paggising sa umaga hanggang sa bago matulog sa gabi. Ang panunuod ng telebisyon ay kadalasang pampalipas oras o di kaya`y hanguan ng kasiyahan ng mga tagapanuod. Ang telebisyon ang pinakamainpluwensyang uri ng mass media. Nakatutulong ito upang ang mga tao ay maging mulat sa mga kaganapan sa Kanyang paligid maging sa loob at labas man ng bansa. Ang mga programa sa telebisyon ay kapupulutan ng karagdagang impormasyon at aral sa buhay. Sadyang isang napakalakas na impluwensya ang telebisyon sa mga tao lalo na sa mga bata. Ayon sa American Academy of Pediatrics, ang unang dalawang (2) taon sa paglaki ng bata ang pinakakritikal sa pagdedebelop ng kanilang utak kaya mas madaling maaapektuhan ng mga profgrama sa telebisyon ang iba`t ibang aspeto ng kanilang pag-uugali. Dahil dito, ang mga bata edad pito (7) pababa ang napiling paksa sa pag aaral na ito. Ngunit, ang kanilang mga magulang ang nagsisilbing respondente upang makapagbigay ng mga impormasyon hinngil sa paksa. Sa pag-aaral na ito, matutuklasan ang mga sikolohikal na epekto ng mga programa sa telebisyon na kadalasang napapanuod ng mga bata.