PERSEPSYON NG MAAGANG PAKIKIPAG-RELASYON NG MGA KABATAANG EDAD 13-18 SA NAPILING EKSLUSIBONG PAARALAN SA METRO MANILA

ABSTRACT: Karaniwan na sa mga Pilipino ang pakikipagrelasyon, khit na ito ay maaga pa at wala pa sa tamang edad. Sa henerasyon ng mga kabataan ngayon, hindi na maiiwasan ang mga ganitong pangyayari, Iba na ang gawi ng mga kabataan ngayon, sa pananamit, sa salita at sa gawa. Naging mas liberal na sila dahil sa kalayaan na hawak nila. Nagagawa na nila ang kanilang mga gustong gawin at isa na dito ang pakikipagrelasyon. May mga kabataan na wala pang alam sa pakikipagrelasyon marahil sa tingin nila ay hindi pa sila handa at wala pa silang sapat na karanasan sa pakikipagrelasyon. Meron namang iba na marami nang naging karelasyon kahit na wala pa sila sa tamang eded. Marami ang nakikipagrelasyon upang makahanap ng tunay na pagmamahal. Sa panahon ngayon, nakakaramdam na ang mga kabataan na kulang sila sa atensyon, pagmamahal at suporta. Isa sa mga kadahilanan nito ay ang problema sa pamilya. Ang paghihiwalay ng mga magulang o di kaya`y ang issue na hindi sila tanggap ng magulang nila, kaya naghahanap ang mga kabataan sa mga tatanggap sa kung sino nga ba talaga sila. Impluwensya mula sa mga kaibigan at maging sa media ay dalawa pa sa mga kadahilan kung bakit maagang nakikipagrelasyon ang mga kabataan.